「一年後嘅你會希望自己由今日起就開始實行你嘅目標！」 

「我聽日要開始健康飲食！ 我要係星期一開始keep fit。」

如果你依家考慮緊開始做某件事，點解唔今日就做呢？

因為一年後嘅你，絕對希望自己由今日開始實行。 如果生活中有咩你係想實現，想嘗試嘅，就由今日開始努力啦！ 你會非常感激呢一年自己嘅付出。 

係去波蘭之前嘅準備工作非常複雜和耗時，10幾個skype面試、論文、PowerPoint同課程，我都曾經諗過放棄並留係香港。 但係正正因為呢句話，我強迫自己完成所有準備功夫。 終於，事實證明，呢次波蘭交流真係我人生其中一個最難忘嘅時刻。

第一次去歐洲旅行。

第一次係香港以外生活左兩個月。

第一次真正咁做一個老師……

因為Global Volunteer （GV），

我有機會處身係一個完全全新的環境體驗各種既「第一次」。

當大家投入一個全新嘅環境時，會好容易建立起同他人嘅關係。呢個就係點解我地 6 個黎自唔同國家既Exchange Participants 都成為左朋友，互相支持大家。係交流嘅旅程中，我地一齊參加當地志願者活動，一齊去旅行，仲有好多好多有意義嘅經歷。

唔止係同行嘅志願者，係參與gv嘅過程中，我地大家對學生嘅感情都很深。如果無參加gv，你永遠唔會體驗到每日朝早見到小朋友好期待咁係學校門口等你，拖住你嘅手嘅時候有幾溫暖。

即管佢哋英文交流講得唔流暢，甚至表達自己嘅日常詞彙量都不足，但佢哋都非常努力咁用google翻譯，然後再係筆記到寫低想同我地講嘅說話。

係暑假嘅最後一日，我嘅兩個學生 Julko 和 Asia 搵到我，一邊抱住我，一邊喊：「Michael，你係咪聽日就要走？唔好走……我地唔想你走……」 即使好不捨好難過，但我知道我必須同以往一樣，鼓勵佢哋振作。

呢一種不捨嘅情緒，係香港嘅文化中，係好難體會到嘅。由細到大，我地都由林林總總嘅電子產品陪伴長大，人與人之間嘅已經好難有緊密的關係。